Ermal Krasniqi, pritet që pjesën e dytë të sezonit 2022/23 ta vazhdojë në një kampiont tjetër, dhe jo në Superligën e Kosovës.
Ekipi që po e kërkon sulmuesin e krahut është kampioni i Rumanisë, Cluji, derisa në përgatitjet që do t’i zhvillojë në Spanjë kërkojnë që ta mbyllin më herët më lojtarin e skuadrës së Ballkanit.
Të premtën mediumi rumun “Fanatik” ka shkruar se trajneri Dan Petrescu në skuadër e dëshiron ta ketë edhe Krasniqin. 24 vjeçari ka edhe gjashtë muaj kontratë me skuadrën suharekase, ndërsa çmimi i tij sipas faqes “transfermarkt.com”, vlerësohet të jetë rreth 400 mijë euro.
“Ermal Krasniqi është lojtari i tjetër që pëlqehet nga Cluji. Krasniqi që luajti kundër Clujit në fazën grupore të Ligës së Konferencës është pajtuar për transferimin, dhe tani u mbetet klubeve të arrijnë marrëveshje”, ka shkruar “Fanatik”.
Krasniqi luajti në pesë nga gjashtë ndeshje të fazës grupore të Ligës së Konferencës, por mungoi në duelin e fundit kundër Clujit. Ai ka realizuar dy gola, ndaj Slavia Pragës dhe Sivassporit. Kundër skuadrës turke regjistroi edhe një asistim.
