Pothuajse një muaj pasi Argjentina u shpall kampione e botës për herë të tretë në historinë e saj, vijojnë të dalin në dritë momente pikante gjatë festës.
Një nga protagonistët e atyre momenteve festive ishte Kun Agüero, i cili e përjetoi suksesin sikur ta kishte arritur vetënë fushë. Gjatë një seance të Twitch me ish-futbollistin Carlos Alfaro Moreno, ai tregoi episod qesharak që ndodhi në fushën e stadiumit Lusail.
Ideja e Agueros ishte të merrte Messin mbi shpatulla, duke imituar imazhin ikonë të Maradonës në vitin 1986. Ish-sulmuesi legjendar i Manchester City-t zbuloi bisedën që kishte pasur me “Pleshtin”.
“I thashë se, nëse dëshiron, do të të marr dhe do të bëj xhiron olimpike. Mendova se ishte 15 metra, jo e gjithë xhiroja olimpike. Sepse nëse do ta bëja të plotë, do të ma thyente kurrizin. Në një moment, shkuam në cep dhe i thashë se është koha të zbresësh. Vazhduam edhe disa metra dhe nuk e dija që po më dhembte shpina,” – tha Kun për atë moment.
