Tottenhami e nisi vitin e ri me një humbje 0-2 në shtëpi ndaj Aston Villës, teksa kjo disfatë ka zhgënjyer jo pak trajnerin Antonio Conte.
Në konferencën për shtyp pas ndeshjes, italiani preferoi të dërgojë një mesazh për tifozët dhe drejtuesit, duke bërë të qartë se pa blerje, nuk mund të pretendohet shumë.
“Ndershmërisht, duhet të bëj të qartë që nuk jemi për titull, pasi shoh shumë njerëz që thonë se kemi dalë nga objektivi. Për titullin duhen blerë lojtarë nga 60-70 milionë euro dhe duhet përmirësuar vazhdimisht skuadra. Unë do të isha shumë i lumtur nëse do të ruanim vendin e pestë. Ky Tottenham mund të përfundojë edhe i gjashti e i shtati, por jo më lart se vendi i katërt”, deklaroi Conte.
