Cristiano Ronaldo dhe Lionel Messi mund të kenë mundësinë për t’u përballur me njëri-tjetrin vetëm pas pak ditësh. Tashmë është konfirmuar gjithçka: në datën 19 janar do të ketë një ndeshje miqësore mes PSG dhe disa prej lojtarëve nga Al Nassr dhe Al Hilal.
Portugezi u transferua pak ditë më parë te Al Nassr dhe premisat janë që ai të jetë pjesë e skuadrës që do të drejtohet nga trajneri Marcelo Gallardo. Ky i fundi ka deklaruar se do të jetë ai trajneri që do të drejtojë skuadrën e formuar nga lojtarët e dy ekipeve nga Arabia Saudite.
Ish-trajneri i River Plate ka në dorë për të ftuar CR7, i cili mund të vihet edhe një herë, ndoshta nga rastet e fundit të futbollit profesionist, kundër rivalit më të madh të epokës së tij.
“Dua t’ju them se do të drejtoj ekipin e Riyahd që do të përbëhet nga lojtarë të Al Hilal dhe Al Nassr kundër Paris Saint Germain. Shihemi së shpejti, përqafime“.
Sytë e të gjithëve do të jenë pikërisht nga ata që kanë bërë mrekullinë në sportin më të dashur në planet në dy dekadat e fundit. Messi dhe Ronaldo mund të kenë “valsin e fundit” mes tyre, kjo tani mbetet ne dorën e dy trajnerëve.
