Domenico Tedesco do të jetë trajner i ri i kombëtares së Belgjikës.
Roberto Martinez la postin e tij më 1 dhjetor pas eliminimit në fazën e grupeve të Kupës së Botës dhe tashmë Tedesco do të jetë pasuesi i tij, përcjell GazetaBlic Sport.
Në vitin 2017, ai mori përsipër detyrën e trajnerit tek Schalke 04 dhe i udhëhoqi ata në vendin e dytë në Bundesligë në sezonin e tij debutues. Ai u shkarkua në mars 2019 dhe më pas mori drejtimin e Spartak Moskës në ligën ruse në tetor 2019.
Ai u largua nga Spartak në qershor 2021 përpara se të emërohej në RB Leipzig në dhjetor, duke i çuar ata të fitonin DFB-Pokal 2022. Ai u shkarkua nga Leipzig në shtator 2022.
