Bayern Munich asesi të këndellet në Bundesligë, derisa nuk arriti me shumë se një barazim me Eintracht Frankfurt. Ndeshja e zhvilluar në “Allianz Arena” është mbyllur 1:1. Bavarezët dominuan me shumë por pa arritur të administronin lojën në avantazhin e tyre.
Ekipi i bavarezëve kaluan në epërsi në minutën e 34′, derisa shënuan me Leroy Sane, pas asistimit nga Thomas Muller.
Edhe në pjesën e dytë më të mirë ishin Bayerni, por mysafirët arritën të barazojnë shifrat. Po rridhte minuta e 69’ kur Randal Kolo Muani shënoi dhe çoi rezultatin në 1:1. Ky ishte barazimi i tretë në tri ndeshje sa ka zhvillua Bayern Munich në vitin 2023 në Bundesliga.
Kurse, për Frankfurt ishte barazimi i dytë, teksa kanë edhe një fitore në pjesën e dytë të sezonit. Pas këtij barazimi Bayerni qëndron në vendin e parë me 37 pikë, një më shumë se vendi i dytë, Union Berlin. Ndërsa Frankfurt pozicionohen në vendin e pestë me 32 pikë gjithsej.
