Sot u zhvilluan ndeshjet e xhiros së 26-të të Superligës së Kosovës në futboll. Ka vazhduar kriza e kampionit në fuqi Ballkanit, që mori vetëm barazim ndaj Ferizajt në udhëtim.
Baras përfundoi edhe ndeshja mes Gjilanit e Llapit (2:2). Ndërsa Trepça ’89 fitoi 2:1 ndaj Dukagjinit.
Trepça ’89 megjithatë ka arritur të marrë pikët e plota ndaj Dukagjinit, në stadiumin “Riza Lushta” me rezultat 2:1.
Abdullah Oyekanmi në minutën e gjashtë shënoi për 1:0, dhe kapiteni Muja në 81 për 2:0 shënuan për mitrovicasit, derisa Dukagjini e ngushtoi epërsinë me autogolin e Ahmet Halitit në minutën e 84-t.
