Qendra Fahro Alihoxhiq më nuk është pjesë e skuadrës së Bashkimit. Ekipi nga Prizreni, i cili garon në Superligën e Kosovës në basketboll, ka njoftuar të mërkurën se ka shkëputur kontratën me marrëveshje të dyanshme me Alihoxhiqin.
Basketbollisti 208 centimetra iu bashkua Bashkimit para fillimit të këtij sezoni, ndërsa në 15 ndeshje të luajtura në elitën e basketbollit kosovar, ka pasur një mesatare prej 12 pikëve dhe 7 kërcimeve për ndeshje.
“Fahro Alihoxhiq më nuk do të jetë pjesë e klubit tonë. Me marrëveshje të dyanshme, e kemi shkëputur kontratën me Fahron, i cili ka qenë pjesë e jona prej fillimit të sezonit. Klubi e falënderon Fahron për angazhimin dhe i dëshiron suksese të mëtejme në karrierë”, ka shkruar Bashkimi në njoftim.