Shpeshherë e kemi dëgjuar thënien: “Kosova po është opsion i dytë”, e kjo thënie fatkeqësisht po vazhdon ende të përmendetët.
Fatkeqësisht Kosova është bërë trampolinë, si mundësi e mirë për të zgjedhur me pas atë që dëshiron ta përfaqësosh.
Sëfundmi pjesë e listës së largimeve nga Dardanët është bërë edhe lojtari, Agon Sadiku i cili pranoi tani të përfaqësoj Finlandën, por që në nëntorin e 2022-ës ishte pjesë e listës së Alain Giresses në dy ndeshjet miqësore që Kosova i zhvilloi në “Fadil Vokrri”.
Sadiku madje lujati edhe ndaj Armenisë e Ishujve Faroe që u mbyllën me rezultat 1:1 respektvisht 2:2. Mirëpo pavarësisht hapësirës së dhënë në këto dy ndeshje, shija nuk ka qenë e mire për Sadikun, pasi sipas tij nuk është se ka kaluar mirë në Kosovë.
“Nuk kam kaluar mirë atje në Kosovë, prandaj zgjodha ta përfaqësoj Finlandën. Markk Kanerva kishte një plan vërtetë të mirë për të ardhmen time dhe unë i besoj atij”, ka thënë Agon Sadiku.
19-vjeçari aktualisht luan të skuadra finlandeze, Honka dhe gjatë sezonit 2022, ai shënoi 14 gola në 26 paraqitje. Gjithsesi kjo është një goditje e radhës për Kosovën, teksa humbi një lojtar me të ardhme të ndritur.
