Prokuroria Speciale e Kosovës ka ngritur aktakuzë ndaj 30 të dyshuarve për përfshirje në tri vepra të ndryshme penale, raporton teve1.info
Sipas komunikatës së Prokurorisë, bëhet fjalë për veprën penale: “Hyrje ne sistemet kompjuterike”, nga neni 327 i KPRK-së, “Mashtrimi”, nga neni 23 dhe “Shpëlarje e parave”, nga neni 302 i KRPK-së.
“Prokuroria Speciale njofton se në rastin e parë janë përfshirë shtatë (7) persona, prej tyre katër (4) gjenden në paraburgim dhe tre (3) në masën e arrestit shtëpiak për veprën penale “Hyrje ne sistemet kompjuterike”, nga neni 327 i KPRK-së, “Mashtrimi”, nga neni 23 dhe “Shpëlarje e parave”, nga neni 302 i KPRK-së dhe veprës penale “Mbajtja në pronësi, kontroll ose posedim të paautorizuar të armëve”, nga neni 366, paragrafi 1 i KPRK-së. Në këtë rast janë konfiskuar 257.540,00 euro, shtatë (7) vetura, nëntë (9) telefona, kompjuterë dhe pajisje kompjuterike, një (1) armë e gjatë dhe një (1) pistoletë.
Gjithashtu, ju njoftojmë se në rastin e dytë janë përfshirë nëntëmbëdhjetë (19) persona, tre (3) prej tyre gjenden në paraburgim për veprën penale “Import, eksport, furnizim, transportim, prodhim, këmbim, ndërmjetësim ose shitje të paautorizuar të armëve apo të materieve plasëse”, nga neni 364 dhe 31 të KPRK-së dhe “Mbajtja në pronësi, kontroll ose posedim të paautorizuar të armëve”, nga neni 366, paragrafi 1 të KPRK-së. Nga ky rast janë konfiskuar tridhjetepesë (35) armë, katër (4) vetura, gjashtëqindepesëdhjetë (650, 00) euro, dy (2) telefona dhe fishekë të kalibrave të ndryshëm.
Ndërkaq, në rastin e tretë të shenjestruar janë të përfshirë katër (4) persona për veprat penale “Keqpërdorim i pozitës apo autoritetit zyrtar”, nga neni 414 dhe “Dhënia e ndihmës”, nga neni 33 në kryerjen e veprës penale “Keqpërdorim i pozitës apo autoritetit zyrtar”, thuhet në komunikatë.
