Të hënën në mëngjes është ish komandanti i UCK-së, Haxhi Shala është shoqëruar për në seline e EULEX-it. Sipas familjarëve ish deputeti po akuzohet për pengim në drejtësi. Madje ata dyshojnë se Shala mund të eskradohet.
Dërgimi i babës për tu operuar u bë arsye që Haxhi Shala erdhi në Banjë të Malishevës.
Por, këtë obligim ndaj babës ish komandati i Ushtrisë Çlirimtare të Kosovës, Topi nuk e kreu pasi mëngjesin e së hënës në shtëpi u shfaqën pjesëtarët e EULEX-it.
Këta rreth orës 7 rrethuan shtëpinë e ish komandantit të UÇK-së.
Pas më shumë se gjysmë ore që qëndruan në këtë shtëpi të komandant Topit, ata e shoqëruat atë në zyrat e misionit evropian për sundimin e ligjit, EULEX.
Mes lotëve për këtë rast për Tëvë 1 ka folur vëllai i Haxhi Shalës, Avni Shala i cili tha se ka mundësi që ish komandant “Topi” të ekstradohet.
Madje sipas tij, arrestimi i pjesëtarëve të UCK-së, është i paligjshëm.
Të pakuptimtë krejt këtë ngjarje po e quan edhe Metush Kryeziu kryetar i OVL-UÇK-së, në Malishevë.
Komente për këtë arrestimi nuk dhanë nga Zyra e Prokurorit të Specializuar.
Megjithatë ata thanë që janë duke zhvilluar operacione të vazhdueshme në Kosovë.
Brenda hapësirave të Eulex-it ish komandanti i UCK-së, u intervistua për orë të tera.
