Gjykata Speciale ka njoftuar se janë anuluar seancat e planifikuara për javën e ardhshme në rastin e ish-presidentit Hashim Thaçi lidhur me akuzat për vepra penale kundër administrimit të drejtësisë.
Seancat, që ishin paraparë për datat 14 dhe 17 prill 2026, nuk do të zhvillohen, ndërsa informacioni mbi një datë të re apo zhvillimet e tjera do të bëhet i ditur sapo të jenë të disponueshme.
‘‘Thaçi dhe të tjerët (administrimi i drejtësisë): anulohen seancat e planifikuara për javën e ardhshme. Ju njoftojmë se seancat e planifikuara për datat 14-17 prill 2026 në çështjen gjyqësore kundër Thaçit dhe të tjerëve në lidhje me akuzat për vepra penale kundër administrimit të drejtësisë, janë anuluar. Informacione të mëtejshme do të jepen sapo të jenë të disponueshme’’, njoftoi Gjykata Speciale.
