Sulmuesi i krahut, Ermal Krasniqi do të jetë përforcimi i parë te Sparta e Pragës në afatin kalimtar të verës, kanë bërë të ditur mediumet nga Çekia.
Mësohet se Sparta parimisht ka arritur marrëveshje me Rapidin e Bukureshtit për transferimin e Krasniqit, i cili do të zyrtarizohet muajin tjetër.
Detajet e transferimit nuk janë bërë të ditura por thuhet se Sparta do të paguajë të paktën 1.5 milionë për kartonin e Krasniqit.
25-vjeçari në janar të këtij viti iu bashkua Rapidit nga Cluji dhe ka kontratë deri në verën e vitit të ardhshëm.
Këtë edicion, Krasniqi ka shënuar 6 gola dhe ka asistuar 5 herë në 34 paraqitje në të gjitha garat. Ai prej janarit të vitit të shkuar bën karrierë në Rumani, ndërsa ka edhe 4 paraqitje me Kombëtaren e Kosovës.
Krahas Krasniqit, Sparta po e monitoron edhe Albion Rrahmanin, por Rapidi ka refuzuar ofertën prej 2.5 milionë eurove për sulmuesin e Kosovës.
