Sparta e Pragës, do të jetë pa sulmuesin e Kosovës, Albion Rrahmani të paktën në dy ndeshjet e ardhshme.
Mungesën e Rrahmanit, e ka konfirmuar edhe trajneri i Spartës, Lars Friis, i cili ka thënë se sulmuesi është duke u rikuperuar nga lëndimi dhe së shpejti do ti bashkohet ekipit në stërvitje.
Kështu që, Rrahmani do ti mungoj Spartës në ndeshjen kundër Bayer Leverkusenit, e cila luhet sonte prej orës 21:00 dhe i takon xhiros së fundit të fazës së parë të Ligës së Kampionëve.
Po ashtu, Sparta nuk do ta ketë Rrahmanin as për ndeshjen kampionale ndaj Slovaçkos, e cila luhet të dielën dhe i takon xhiros së 20-të.
Rrahmani i mungoi Spartës është javën e shkuar në Champions ndaj Interit, ndërsa këtë sezon ka shënuar 8 gola dhe ka bërë 2 asistime në 22 paraqitje në të gjitha garat.
24-vjeçari në verën e vitit të shkuar iu bashkua Spartës nga Rapidi i Bukureshtit.
