Spanja është kombëtarja që ka bindur më së shumti deri më tani në “Euro 2024”.
Pas tri fitoreve në grup, Spanja fitoi edhe në 1/8 e finales për të avancuar në çerekfinale të Kampionatit Evropian.
Në kampin spanjoll, tashmë kanë kthyer fokusin te ndeshje çerekfinale ndaj Gjermanisë, e cila luhet të premten në Stuttgart.
E besimi te Spanja për ta kaluar edhe këtë pengesë është i madh dhe këtë e ka pranuar edhe trajneri Luis de La Fuente.
“Kemi shumë besim dhe një ekip me talent, cilësi e përkushtim. Nuk dua të ofendoj askënd, por ne kemi ekipin më të mirë në këtë Evropian”, ka insistuar De La Fuente të hënën në konferencën për shtyp.
Trajneri spanjolli pati edhe disa fjalë për Gjermaninë, për të cilën tha se ka respekt të madh.
Ai e quajti Gjermaninë ekip fantastik dhe me disa nga lojtarët më të mirë në botë në ekip por shtoi se Spanja ka ambiciet e saj, pra për të avancuar në gjysmëfinale dhe pastaj ta kërkoj triumfin në Evropian.
