Bordi i transmetuesit shtetëror spanjoll RTVE votoi të martën për t’u tërhequr nga Konkursi i Këngës Eurovision 2026 që do të mbahet në maj në Vjenë nëse Izraeli merr pjesë në këtë ngjarje.
Spanja është vendi i pestë që bën një premtim të tillë, pas Holandës, Sllovenisë, Islandës dhe Irlandës.
Ajo është e para nga të ashtuquajturit “Pesë të Mëdhenjtë” – një grup që përfshin edhe Britaninë, Gjermaninë, Italinë dhe Francën – që e bën këtë.
Pesë vendet e mëdha kontribuojnë më shumë financiarisht në Eurovision dhe kualifikohen automatikisht për çdo konkurs.
Belgjika gjithashtu ka kërcënuar të mos marrë pjesë nëse Izraelit i lejohet të marrë pjesë.
Unioni Evropian i Transmetimeve (EBU), i cili drejton konkursin, do të vendosë në një takim të asamblesë së përgjithshme në dhjetor nëse do ta përjashtojë Izraelin
