Kombëtarja e Spanjës do ta ketë një mungesë të madhe në mbrojtje për ndeshjen kundër Kroacisë.
Mbrojtësi Aymeric Laporte do ti mungoj Spanjës në ndeshjen e parë të Grupit B për shkak të lëndimit të muskulit.
Mungesa e Laportes është konfirmuar edhe nga Spanja, pasi mbrojtësi nuk është stërvitur me ekipin as të premten.
Megjithatë, Laporte pritet të jetë i gatshëm për ndeshjet e tjera të grupit kurse ndaj Kroacisë, spanjollët në qendër të mbrojtjes do të luajnë me dyshen Nacho – Le Normand. Laporte pritet të jetë gati për ndeshjen e dytë të Spanjës në fazën e grupeve që e luan më 20 qershor.
Ndeshja Spanjë – Kroaci do të luhet të shtunën prej orës 18:00, ndërsa pjesë e këtij grupi janë edhe Shqipëria e Italia, të cilat do të përballen po ashtu të shtunën, por prej orës 21:00.
