Kombëtarja e Spanjës do të mbështetet në maestron e mesfushës, Rodrin për ndeshjen çerekfinale të “Euro 2024” kundër Gjermanisë.
Prejse Spanja ka humbur ndeshjen e fundit zyrtare në mars të vitit të shkuar, Rodri ka zhvilluar 77 ndeshje për kombëtare dhe ekip kurse e ka shijuar vetëm një humbje dhe atë kur Manchester Unitedi mposhti Manchester Cityn në finale e Kupës FA të luajtur në muajin maj.
Spanja ka treguar paraqitje të mira këtë Evropian dhe është kombëtarja e vetme në fazën çerekfinale që i ka fituar katër ndeshjet paraprake të këtij turneu.
Fazën e grupeve e mbylli në krye të Grupit B me nëntë pikë, ndërsa në 1/8 e finales triumfoi bindshëm ndaj Gjeorgjisë.
Trajneri i Spanjës, Luis de la Funte edhe ndaj Gjermanisë do të mbështetet te Rodri. “Ne e kemi Rodrin, i cili është perfekt. Ai administron gjithçka në fushë dhe për këtë arsye mbetet arma jonë më e fortë”, ka pranuar De la Fuente.
Vet Rodri ka pranuar se Gjermania është një kundërshtare e fortë, por ka shtuar se Spanja futet në fushë për ta fituar ndeshjen pasi synimi i saj është suksesi në “Euro 2024”.
