Dueli mes Spanjës dhe Italisë, do ta përmbyll ditën e shtatë të Kampionatit Evropian që po mbahet në Gjermani.
Kjo ndeshje që i takon Grupit B dhe është përcaktuese për vendin e parë, do të luhet në stadiumin e Schalkes prej orës 21:00.
Si Spanja ashtu edhe Italia e kanë nga një fitore pasi triumfuan në ndeshjet e para të Evropianit, duke e mposhtur Kroacinë, përkatësisht Shqipërinë.
Spanja fitoi me rezultatin 3:0 kurse Italia 2:1 dhe përplasja e këtyre dy kombëtareve pritet të jetë tejet interesante bazuar në futbollistët që i kanë në përbërje.
Spanja tregoi paraqitje të mirë ndaj Kroacisë, ndërsa Italia si kampione në fuqi e Evropës, do të mundohet ta dëshmoj veten para “Furisë së Kuqe” që po vlerësohet si favorite për të triumfuar në “Euro 2024”.
Të dyja kombëtaret pritet të startojnë me formacionet që luajtën në ndeshjet e para pasi nuk kanë raportuar për ndonjë mungesë apo lojtarë të lënduar.
Fituesi i këtij dueli do ta konfirmoj kalimin në fazën nokaut pasi do ti ketë gjashtë pikë pas dy ndeshjeve të zhvilluara.
Ndërkohë, dita e shtatë e Evropianit do të nis me duelin e orës 15:00 ndërmjet Sllovenisë dhe Serbisë, për të vazhduar me atë të orës 18:00 ku përballen Danimarka e Holanda.
