Trajneri Luciano Spalletti do të mbetet në krye të Napolit edhe pas përfundimit të sezonit aktual. “Gazzetta dello Sport” ka njoftuar të enjten se Spalletti së shpejti do ta rinovojë kontratën me Napolin që i skadon në verë.
Me rinovimin e kontratës ai do të jetë pjesë e Napolit deri në verën e vitit 2025. Bëhet e ditur se palët janë në negociata dhe marrëveshja mund të finalizohet në fillim të muajit të ardhshëm.
Te Napoli janë të kënaqur me punën e Spallettit, i cili është trajneri i ekipit prej vitit 2021. Këtë edicion Spalletti po e udhëheq Napolit drejt titullit të kampionit, i cili do të jetë i pari pas më shumë se tri dekadave.
Napoli prin bindshëm në Serie A me 62 pikë, 15 më shumë se Interi që renditet i dyti.
