Profesori universitar i shkencave politike, Nexhmedin Spahiu ka deklaruar se nuk mund të ketë dialog të ri në vitin 2025 mes Kosovës dhe Serbisë ngase sipas tij negociatat kanë përfunduar.
I ftuar në emisionin “Info Nata” në tëvë1, Spahiu u shpreh se Kosova ka interes që me u realizua marrëveshja franko-gjerman.
Madje, ai thotë se njohja mes Kosovës dhe Serbisë ndodh atëherë “kur valon flamuri i Kosovës në Beograd”.
“Kosova ka interes që me u realizua marrëveshja franko-gjerman, natyrisht jo veresi siç po kërkon Serbia dhe opozita po kërkon hajt se ne duhet të kemi besim tek partnerët tanë, pjesën tjetër të ia lëmë perëndimit me u marrë me Serbinë, kjo është një qasje jashtëzakonisht e gabuar, por thjesht duhet që të ngulet në këmbë që të njëjtën kohë të realizohen krejt ato çka janë të parapamë në planin franko-gjerman. Kur valon flamuri i Kosovës në Beograd, ajo është njohje, njohja brina s`ka, prandaj nuk duhet me valua flamuri i Zajednicës pa valua flamuri i Kosovës në Beograd. Negociatat kanë përfunduar”, ka deklaruar Spahiu./teve1.info/
