Profesori universitar, Nexhmedin Spahiu duke komentuar veprimet e fundit të shtetit serb, ku ndaloi qindra qytetarë në kufi, ka thënë se asaj i ka mbetur të bëjë edhe një invazion të hapur në Kosovë.
Sipas Spahiut, gjasat e një eskalimi të situatës më nuk janë të pritshme në veri, por në jug të Kosovës.
Madje, profesori ka thënë se Serbia po bën riorganizimin e strukturave paralele të cilat kanë mbetur të dëmtuara, sidomos pas rastit të Banjkës.
“Eskalimi i situatës nuk do të jetë më në veri, do të jetë në jug të Kosovës. Ka përpjekje për riorganizimin e strukturave paralele të dëmtuara sidomos pasi institucionet e Kosovës I morën në kontroll godinat komunale nëpër qytetet veriore, dhe sidomos pas Banjkës. Atë çfarë i ka mbetur Serbisë të bëjë është invazion i hapur, me msy me ushtri”, u shpreh ai në emisionin “Këndi i Debatit” në TËVË 1.
