Profesori universitar, Nexhmedin Spahiu ka kritikuar kryetarin e Lidhjes Demokratike të Kosovës, Lumir Abdixhikun për siç ka thënë ai refuzimin për të tejkaluar situatën në Kuvend.
Ai ka thënë se Abdixhikut i mungon guximi dhe po bënë “politikë të strucit”.
“Politika që po zhvillon Lumir Abdixhiku është një politik e strucit, shtine kryet në zall edhe mos shiko çka po ndodhë edhe prit që proceset me ardh në favorin t. Kjo jo gjithmonë ndodhë, jo gjithmonë duke qëndruar anash zhvillohen proces të tilla që ty të vijnë në favor. Po shihet që i mungon guximi me u ballafaqua me sfida reale që i ka shoqëria dhe që i duhen një lideri politik. Ka zgjuarsi, karizëm, por i mungon guximi. Nga ana tjetër thirret për parti institucionaliste, por nuk merr pjesë në formimin e institucioneve”, ka thënë Spahiu në emisionin “InfoNata” në Tëvë1.
Spahiu ka thënë se pritjet e tij kanë qenë që Lista Serbe do ta bllokojnë zgjedhjen e nënkryetarit nga komuniteti serb, por siç është shprehur ai, kjo parti po tregohet më konstruktive se LDK.
“Unë kam pri që Lista Serbe ka me qenë ajo që s’ka me dashtë vet me propozua nënkryetar. Po ja qe ata edhe po ankohen po dërgojnë ankesë në Gjykatë Kushtetuese. Lista Serbe është parti më konstruktive se LDK-ja, po i ankohet Gjykatës Kushtetuese, po këqyrë me konstitua parlamentin. Nuk është ajo që është tu e bllokua. Tash po bllokon PDK-ja, LDK-ja dhe AAK-ja. Nuk e votojnë as Nenad Rashiqin as Listën Serbe”, ka thënë ai.
Kryetari i LDK-së të martën ka dhënë kritika ndaj liderit të PDK-së, Memli Krasniqi dhe të AAK-së Ramush Haradinaj për votimin e Dimal Bashës për kryetar të Kuvendit.
