Kamberi një herë ka siguruar ulësen mirëpo në procesin e fundit të përsëritur e humbi.
Ndërsa, ditë më parë Partia për Veprim Demokratik ka bërë thirrje për votim duke kërkuar pjesëmarrje më të madhe të shqiptarëve.
“Edhe me këtë rast u ritheksua se lufta kundër diskriminimit shtetëror të Serbisë, i cili po shtrihet në të gjitha sferat e jetës e që po ngushton hapësirat për një perspektivë më të mirë, duhet të vazhdojë me të gjitha mjetet politike, prandaj, edhe beteja për përfaqësim të dinjitetshëm parlamentar mbetet një ndër objektivat kryesore të veprimit tonë politik. PVD është e vetdijshme se ky proces zgjedhor që po zvarritet me ndërhyrje të shuma të shtetit, është shndërruar në lodhje për zgjedhësit e njësisë gjashtë, por, duke parë rëndësinë e momentit në të cilin ndodhemi, perspektivën në të cilën gjendet mbarë rajoni, i fton gjithë përkrahësit e dashamirët që, edhe kësaj radhe, t’i përgjigjen në mënyrë masive daljes në zgjedhje, për të dëshmuar fuqinë politike e përfaqësuese të shqiptarëve”, thuhej në komunikatën e PVD-së dhe Kamberit.
Për Kamberin përkrahje kanë ofruar edhe liderë partiakë e institucionesh në Kosovë, Shqipëri e Maqedoni të Veriut.
