Kaqun Lima, zjarrfikës dhe shef i Operativës së Zjarrfikësve të Gjakovës ka ndërruar jetë pas një aksidenti që ndodhi të pasditen e së martës në fshatin Mejë.
Lima ishte në krye të detyrës kur ndodhi aksidenti.
Ai u dërgua me urgjencë në Qendrën Klinike Universitare të Kosovës në Prishtinë, por nuk arriti t’i mbijetojë plagëve të marra.
Lajmin për vdekjen e tij e ka konfirmuar Brigada e Zjarrfikësve në Gjakovë dhe Drejtoria Rajonale e Policisë në Gjakovë.
Ceremonia e varrimit do të mbahet sot, në ora 17:00, në varrezat e qytetit në Gjakovë./teve1.info/
