Të enjten (sot), në Bruksel do të takohen kryenegociatori i Kosovës, Besnik Bislimi dhe ai i Serbisë, Petar Petkoviq, për të diskutuar rreth Rregullores së BQK-së, për ndalimin e dinarit serb në Kosovë.
Ky takim do të mbahet për herë të katërt me radhë, derisa palët pritet t’i diskutojnë propozimet e e tyre, shkruan teve1.info.
Ndërmjetësi i dialogut, emisari i Bashkimit Evropian, Miroslav Lajçak në takimin e fundit të kryenegociatorëve ka propozuar një zgjidhje të përkohshme për çështjen e dinarit, i cili u pranua nga pala kosovare, mirëpo u refuzua nga Serbia.
Përdorimi i dinarit për pagesa me para të gatshme në Kosovë u ndalua më 1 shkurt, kur Banka Qendrore e Kosovës e futi në fuqi një rregullore të re, e cila përcaktoi euron si valutën e vetme zyrtare në
E me vendimin për ndalimin e përdorimit të dinarit nuk u pajtua Serbia dhe komuniteti serb në Kosovë teksa në anën tjetër shkaktoi edhe mospajtime mes Qeverisë dhe Bashkësisë Ndërkombëtare.
Me këtë rast diplomatët perëndimorë i kërkuan Kosovës që ta pezullojë rregulloren, për t’iu dhënë kohë qytetarëve të prekur që të përshtaten me praktikën e re./teve1.info./
