Është bërë e ditur se në protestën e thirrur më 20 maj nga BSPK-ja, do të marrin pjesë në mënyrë masive edhe të punësuarit në sektorin e arsimit.
Nga SBASHK-u, u është bërë apel prindërve që të premten mos t’i nisin fëmijët për në shkollë sepse shkollat janë pa personelin arsimor.
Teksa kanë theksuar se gjendja e krijuar është pasojë e mungesës së gatishmërisë së Qeverisë për angazhim në zgjidhjen e kërkesave legjitime të punëtorëve arsimor.
“SBASHK-u shpreh keqardhje për gjendjen e krijuar e cila është pasojë e mungesës së gatishmërisë së Qeverisë për dialog dhe për angazhim në zgjidhjen e kërkesave legjitime të punëtorëve në arsim, që nga çerdhet e deri në Universitete e kulturë, por edhe në sektorët tjetër. Përfaqësuesit e Këshillave të prindërve i ftojmë të jenë pjesë e protestës sonë me qëllim që të forcohet zëri i përbashkët drejtuar Qeverisë që të dialogojë me sindikatat dhe të angazhohet për zgjedhjen e kërkesave të tyre legjitime. Po ashtu apelojmë të prindërit që për hir të sigurisë së fëmijëve të tyre nesër mos t’i nisin për në shkollë sepse shkollat janë pa personelin arsimor , të cilët pa fajin e tyre janë të detyruar të protestojnë në përpjekje për realizimin e kërkesave të tyre”, thuhet në njoftim.
Kurse në anën tjetër nga Ministria e Arsimit Shkencës dhe Teknologjisë kanë thënë që humbja e mësimit është cënim i të drejtës themelore të fëmijëve për arsimim dhe si e tillë është e papranueshme për MAShT-in.
Sipas MASHT-it, protesta e thirrur për sot nga SBASHK-u nuk do të duhej të bëhej në kohën, kur është edhe fundi i vitit shkollor.
Kurse është bërë e ditur se orët mësimore të humbura do të kompensohen. /teve1.info/.
