Sot, vazhdon seanca gjyqësore në Gjykatën Speciale ndaj ish-presidentit të Kosovës, Hashim Thaçi, ish-kryetarëve të Kuvendit, Jakup Krasniqi e Kadri Veseli si dhe ndaj ish-deputetit Rexhep Selimit.
Seanca gjyqësore pritet të fillojë në ora 09:00.
Në seancën e të premtes, në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, në Dhomat e Specializuara të Kosovës (DhsK), në Hagë, është diskutuar lidhur me propozimin e mbrojtjes së Thaçit lidhur me pyetjet që lidhen me krimet e serbëve.
Por që, ky diskutim ka mbetur pa sqarim për publikun, pasi që nga Dhomat e Specializuara të Kosovës (DhSK), është vendosur që pjesa tjetër e diskutimit të jetë me përmbajtje të redaktuar për të kaluar më pas në seancë private.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /teve1.info/
