Komisioni Qendror i Zgjedhjeve sot pritet të shpall rezultatet përfundimtare të zgjedhjeve për Kuvendin e Kosovës, të mbajtura më 9 shkurt 2025.
Kështu bëri të ditur për tëvë1, zëdhënësi i këtij komisioni, Valmir Elezi, i cili tha se në mbledhjen e radhës pikë e rendit të ditës është shpallja e rezultateve përfundimtare të zgjedhjeve.
“Mund t’iu konfirmoj se të shtunën, më 15 mars 2025, Komisioni Qendror i Zgjedhjeve do të mbajë mbledhjen e radhës dhe në rend dite është shpallja e rezultateve përfundimtare të Zgjedheve për Kuvendin e Republikës së Kosovës, 9 shkurt 2025. Për orën e saktë të mbledhjes së KQZ-së do t’iu njoftojmë me kohë”, ka deklaruar ai./teve1.info/
