Kryetari i Komunës së Gjilanit, Alban Hyseni ka njoftuar se buxheti i komunës pritet të miratohet sot.
Hyseni ka deklaruar se pika e vetme e rendit të ditës do të jetë shqyrtimi dhe aprovimi i projektbuxhetit për vitin 2025.
Ai ka falënderuar LDK dhe PDK për arritjen e mirëkuptimit për të zgjidhur situatën e krijuar me buxhetin prej tashmë 7 muajsh.
“Pas takimit të fundit në KPF, më është kërkuar të anuloj thirrjen për seancën urgjente të orës 16:00, e cila tashmë është anuluar. Gjithashtu, në KPF u pajtuam që nesër, më 27.02.2025, si Kryetar i Komunës të thërras seancën e radhës urgjente, me fillim nga ora 10:00. Pika e vetme e rendit të ditës do të jetë shqyrtimi dhe aprovimi i projektbuxhetit për vitin 2025, të propozuar nga Kryetari i Komunës”, ka njoftuar Hyseni./teve1.info/
