Trepça dhe Golden Eagle Ylli, janë skuadrat që do të përballen në gjysmëfinalen e parë të “Final 8” të Kupës së Kosovës në basketboll.
Ndërsa, skuadrat që do të takohen në gjysmëfinalen e dytë të këtij turneu, do të përcaktohen sot.
“Final 8” nisi të martën në Gjakovë me dy ndeshjet e para çerekfinale, fazë kjo që do të përfundoj në mbrëmje.
Në çerekfinalen e tretë dhe duelin më interesant të kësaj faze, do të përballen Peja dhe Bashkimi. Kjo ndeshje nis në orën 17:00 dhe të dyja skuadrat synojnë avancimin tutje.
Ndërkohë, prej orës 20:00 do të luhet çerekfinalja e katërt apo dueli i fundit i kësaj faze. Në këtë përballje, do të takohen Sigal Prishtina dhe Proton Cable Prizreni prej orës 20:00. Fituesit e dy çerekfinaleve të sotme, do të përballen në gjysmëfinale.
Seria e dueleve gjysmëfinale të Kupës së Kosovës do të zhvillohet të enjten, ndërsa finalja e madhe të shtunën.
