Sot, rruga “Agim Ramadani” në Prishtinë, do të jetë e mbyllur përkohësisht, pasi që do të mbahet ceremonia e ushtrimit të “Defender Europe ‘2023”, ku pjesëmarrëse do të jetë Forca e Sigurisë së Kosovës.
Polica e Kosovës, njofton qytetarët se rruga do të jetë e mbyllur derisa të mbahet ceremonia në shesh.
“Kërkojmë mirëkuptim nga qytetarët dhe njëkohësisht kërkojmë që të zgjedhin rrugë alternative gjatë intervalit kohor sa do të jetë e mbyllur kjo rrugë”, thuhet në njoftimin e Policisë.
Policia e Kosovës, tha se gjatë mbajtjes së ceremonisë hapëse do të kujdeset për ofrimin e sigurisë, mirëmbajtjen e rendit e qetësisë publike dhe do të ndërmerr masa shtesë për sigurinë në trafik, përfshirë riorientim të veturave në rrugë alternative. /teve1.info/
