Në Kuvendin e Kosovës sot do të mbahen mbledhjet e tri komisioneve parlamentare.
Sipas njoftimit, Komisioni për Administratë Publike, Pushtet Lokal, Media dhe Zhvillim Rajonal, do të mbajë mbledhjen e radhës duke filluar nga ora 10:00. E në rend dite bëhet e ditur se se është raportimi i Komisionit të Pavarur për Media dhe vazhdimin e dëgjimit mbikëqyrës.
Teksa Komisioni për Buxhet, Punë dhe Transfere, sot në ora 11:00 mbanë mbledhjen, në rend dite ka edhe shqyrtimin e planit vjetor të performancës të Organit Shqyrtues të Prokurimit Publik për vitin 2024 si dhe shqyrtimin e planit vjetor të performancës të Komisionit Rregullativ të Prokurimit Publik për vitin 2024.
Ky Komision sot mblidhet edhe në ora 14:00, në rend dite ka edhe shqyrtimin e draft planit të punës së komisionit për sesionin pranveror 2024.
Gjithashtu mbledhje sot mban edhe Komisioni për Punë të Jashtme dhe Diasporë, në ora 15:00, në rend dite është takim i komisionit me delegacionin nga Ministria e Punëve të Jashtme e Republikës së Estonisë.
