Të shtunën qytetarët e Kosovës do të protestojnë kundër rritjes së çmimit të energjisë elektrike.
Kjo për shkak të propozimit të Zyrës së Rregullatorit për Energji (ZRrE) për ngritjen e çmimit të rrymës për 15 për qind nga muaji prill.
Protesta do të organizohet nga nisma “AsnjëCentMëShumë”, e cila pritet të fillojë nga ora 15:00 në sheshin “Skënderbeu” në Prishtinë.
Themeluesi i këtij grupi, Luan Hasanaj thekson se janë në përgatitjet finale për këtë protestë, duke shtuar se mobilizimi është jashtëzakonisht i madh dhe se grupi ka mbi 5 mijë anëtarë.
Ai derisa konsideron rritjen e çmimit të energjisë si një vendim të dëmshëm për qytetarët e Kosovës, bënë gjithashtu thirrje për pjesëmarrjen e një numri të madh qytetarësh që të kundërshtojnë këtë vendim.
