Ndeshja Ferizaj – Suhareka hap xhiron e 23-të të Superligës së Kosovës në futboll. Kjo ndeshje luhet sot nga ora 14:00, ndërsa të shtunën luhen dy derbit e javës.
Kampioni në fuqi Ballkani e pret në Suharekë skuadrën e Prishtinës, kurse në stadiumin “Zahir Pajaziti” në Podujevë, Llapi pret lideren Dritën.
Të dielën janë dy ndeshjet e fundit të javës së 23-të. Gjilani e pret Feronikelin 74, kurse Dukagjini në Klinë përballet me Malishevën.
Lidere është Drita me 50 pikë, kurse Ballkani një pozitë më poshtë me 39 pikë.
Gjilani zë vendin e katërt me 31 pikë, derisa më një pikë më pak në vendin e pestë është Prishtina.
Suhareka e Ferizaj kanë nga 26 pikë në pozitat gjashtë dhe shtatë, derisa në tri vendet e fundit janë Dukagjini me 25 pikë, Llapi me 23 pikë dhe i fundit Feronikeli 74 me 13 pikë.
