Të dielën një pjesë e madhe e myslimanëve festuan Fitër Bajramin, duke shënuar kështu fundin e agjërimit të muajit të shenjtë të Ramazanit.
Mirëpo, për një pjesë të madhe të botës islame, Fitër Bajrami u përcaktua të jetë të hënën, kjo për shkak të dallimeve në vëzhgimin e hënës së re, që ndryshon në bazë të vendndodhjes gjeografike.
Ndër vendet ku Fitër Bajrami do të festohet të hënën janë Oman, Egjipt, Siri, Jordani, Algjeri dhe Tunizi.
Indonezia, vendi më i populluar në botë me shumicë myslimane, së bashku me Pakistanin, Malajzinë, Brunein, Indinë dhe Bangladeshin shënojnë festën e Bajramit poashtu të hënën.
Me rastin e kësaj feste, familjet mblidhen për lutje të veçanta të ndjekura nga gosti dhe ëmbëlsira festash, pas një muaji agjërimi nga agimi deri në muzg.
Myslimanët zakonisht e shënojnë festën me vizita dhe dalje familjare dhe fëmijët marrin rroba të reja.
