Sot do t’i jepet lamtumira e fundit 21-vjeçares, E.C., e cila humbi jetën dje pasi u vra me armë zjarri nga ish-bashkëshorti i saj, 36-vjeçar brenda Qendrës për Punë Sociale në Ferizaj.
Mediat lokale kanë raportuar se varrimi i të ndjerës do të bëhet sot, nga ora 16:30 në varrezat e fshatit Bablak.
“Me pikëllim njoftojmë se me datë 12.04.2024 ka ndërruar jetë familjarja jonë E.C.. Varrimi i të ndjerës do të bëhet sot me datë 13.04.2024 në ora 16:30 me ikindi në varrezat e fshatit Bablak”, thuhet në njoftim.
Autori i krimit dyshohet se plagosi edhe vëllain e mitur të së ndjerës. Ndërkohë, Prokuroria Themelore në Ferizaj bëri të ditur se i ai tashmë është ndaluar për 48 orë, nën dyshimet të veprës penale “Vrasje e rëndë”.
Ndaj të dyshuarit, është duke u mbajtur seanca për caktimin e paraburgimit, e cila ka filluar nga ora 11:00./teve1.info/
