Për herë të dytë në Gjakovë i hap punimet konferenca shkencore ndërkombëtare “Çështje të gjuhës, letërsisë dhe përkthimit letrar”, raporton teve1.info
Konferenca e cila ka për synim trajtimin e përkthimeve gjuhësore nga gjuhë të ndryshme përmban dy seanca në gjuhësi, dy në letërsi dhe një në përkthim letrar.
Seanca solemne do të drejtohet nga profesoresha universitare, Mimoza Hasani-Pllana, ndërsa në fjalët hyrëse të konferencës do të paraqiten edhe profesorë tjerë si rektori i Universitetit të Gjakovës “Fehmi Agani”, Zeqir Hashani dhe dekani i Fakultetit të Filologjisë, Kamber Kamberi.
Me paraqitje shkencore do të paraqiten profesorët nga Kosova e rajoni si: Anton Nikë Berisha, Imri Badallaj, Evalda Paci, Bardh Rugova, Adriatik Derjaj, Nysret Krasniqi, Skender Asani, Elinda Dibra, Giuseppe Schirὸ di Maggio etj.
