Superliga e Kosovës vijon xhiron e 27 edhe këtë të dielë me dy ndeshje. Një në Gjilan dhe një tjetër në Klinë.
Drita kërkon të rikthehet te fitoret në kampionat pas barazimit me Malishevën dhe përballë do ta ketë skuadrën e fundit në tabelë, Drenicën.
Në anën tjetër kuqezinjtë janë në gjendje të rëndë dhe në rast se nuk marrin pikë në Gjilan, atëherë do t’i vështirësohen edhe më shumë gjasat për shpëtim.
Duel shumë interesant pritet të zhvillohet edhe në Klinë, ku Dukagjini përballet me Ferizajn.
Vendasit janë në pozitën e gjashtë me 32 pikë dhe nuk duan të lëshojnë pikë para adhuruesve të tyre.
Derisa Ferizaj që po kalon nëpër një formë të mirë në pranverë synon të mos mposhtet në stadiumin 18 qershori në Klinë.
Të dyja sfidat e ditës së sotme në elitën e futbollit kosovar fillojnë nga ora 15:00.
