Ndeshjet e garave të UEFA-s, do të vazhdojnë edhe gjatë ditës së sotme.
Pasi tashmë u kompletua seti i skuadrave gjysmëfinaliste të Ligës së Kampionëve, një gjë e tillë do të bëhet ditën e sotme edhe në Ligën e Evropës dhe Ligën e Konferencës.
Në të dyja këto gara, do të zhvillohen ndeshjet e kthimit çerekfinale, ku do të ketë duele tejet interesante. Megjithatë, vëmendja do të jetë në Ligën e Konferencës, e sidomos në duelin që luhet në Itali ndërmjet Atalantas dhe Liverpoolit.
Në duelin e parë të luajtur javën e shkuar në Angli, Atalanta triumfoi 3:0 dhe Liverpooli në ndeshjen e kthimit do ta ketë një mision tejet të vështirë për të siguruar gjysmëfinalen.
Duel tjetër interesant në Ligën e Evropës, do të jetë edhe ai ndërmjet Romës dhe Milanit që luhet në stadiumin “Olimpico”. Roma e fitoi ndeshjen e parë në “San Siro” me rezultatin 1:0.
Bayer Leverkuseni i Granit Xhakës pasi e siguroi titullin e kampionit në Bundesligë, do të tentoj të kualifikohet edhe në gjysmëfinale të Ligës së Evropës. Pasi e fitoi 2:0 ndeshjen e parë në shtëpi, Leverkuseni do të tentoj ta mbroj këtë rezultat në udhëtim te West Ham Unitedi për të avancuar tutje.
Ndërkohë, dueli i fundit çerekfinal i Ligës së Evropës do të jetë ai ndërmjet Marseillet dhe Benficës, ku ekipi nga Portugalia e ka fituar ndeshjen e parë me rezultatin 2:1. Të gjitha ndeshjet çerekfinale të kësaj gare nisin në orën 21:00.
Ndërkohë, në Ligën e Konferencës, dy ndeshje do të nisin në orën 18:45 dhe dy të tjera prej orës 21:00. Fiorentina luan në shtëpi kundër Viktoria Plzenit, me të cilin luajti pa gola në ndeshjen e parë në Çeki, ndërsa Lille në Francë përballet me Aston Villan që triumfoi 2:1 në Angli.
Lille në këtë ndeshje do të jetë pa Edon Zhegrovën, i cili nuk është rikuperuar nga lëndimi që e pësoi në ndeshjen e parë.
Fenerbahçe synon ta eliminoj Olympiacosin që fitoi 3:2 në ndeshjen e parë në Greqi, ndërsa PAOK-u luan në shtëpi kundër Clun Brugget, skuadër kjo që triumfoi 1:0 në Belgjikë javën e shkuar.
