I dërguari i posaçëm i Bashkimit Evropian për dialogun Kosovë-Serbi, Peter Sorensen, gjatë ditës së sotme ka vizituar pikat kufitare.
Sorensen nga atje ka thënë se ndër pikat kyç të integrimit në Bashkimin Evropian është lejimi i lëvizjes së lirë të njerëzve dhe mallrave.
“Është mbresëlënëse të shohësh dhe të informohesh për Pikat e Përbashkëta të Kalimit. Ndërsa është bërë shumë, ne duhet të rifillojmë punën e mbetur pa vonesë. Bëhet fjalë për lejimin e njerëzve dhe mallrave të lëvizin lirshëm – një gur themeli i integrimit në BE. Falë KFOR-it për mbështetjen e logjistikës”, ka shkruar ai në platformën “X”.
Impressive to see and be briefed on the Common Crossing Points. While a lot has been done, we need to restart the remaining work without delay. It’s about allowing people and goods to move freely – a cornerstone of 🇪🇺 integration. Thanks to @NATO_KFOR for the logistics’ support! pic.twitter.com/SNwJBR7DNs
— EUSR for Belgrade-Pristina Dialogue (@EUSR_Dialogue) March 18, 2025
Sorensen po qëndron në Kosovë në vizitën e tij të parë që kur mori postin e emisarit më 1 shkurt.
Ai dje është takuar me krerët e vendit, udhëheqësit e opozitës, si dhe ka shkuar në KFOR për vizitë.
Sorensen do të qëndrojë në Kosovë edhe sot e nesër, ndërsa BE pati paralajmëruar një vizitë edhe në Serbi pas kësaj në Kosovë.
