Ndërmjetësi i ri i Bashkimit Evropian për dialogun, Peter Sorensen ka reaguar pas takimit të së martës në Bruksel mes kryenegociatorëve të Kosovës dhe Serbisë.
Sorensen ka bërë të ditur se kanë folur rreth avancimit të normalizimit të marrëdhënieve të tyre në përgatitje të një takimi të nivelit të lartë në dialog.
Sipas tij, gjatë takimit të tyre të gjatë është diskutuar edhe për zbatimin e obligimeve të pazbatuara, si dhe për çështje tjera aktuale.
“Organizova një takim të gjatë të Kryenegociatorëve të Kosovës dhe Serbisë në Bruksel. Folëm rreth avancimit të normalizimit të marrëdhënieve të tyre në përgatitje të një takimi të nivelit të lartë në dialog, zbatimin e obligimeve të pazbatuara dhe çështje aktuale. U pajtuam që diskutimi të vazhdojë së shpejti”, ka shkruar Sorensen në platformën “X”.
Hosted a long meeting of Chief Negotiators of Kosovo and Serbia in Brussels. Spoke about advancing the normalisation of their relations in preparation of a high-level Dialogue meeting, pending implementation obligations, and current issues. Agreed to continue the discussion soon. pic.twitter.com/OHhroTaJll
— EUSR for Belgrade-Pristina Dialogue (@EUSR_Dialogue) June 10, 2025
Pas përfundimit të takimeve, zëvendëskryeministri në detyrë, Besnik Bislimi ka thënë se ndërmjetësi i ri i Bashkimit Evropian për dialogun, Peter Sorensen, tashmë ka një vizion të qartë se si do të ecet para në takimet e ardhshme.
Bislimi pas takimit trepalësh në Bruksel: Sorensen ka vizion të qartë për vazhdimin e dialogut
