Eksperti i sigurisë, Shkëlzen Sopjani ka thënë se prezenca e ministrave në aksionet e Policisë së Kosovës për mbylljen e komunave ilegale serbe dhe heqjen e banerave, nuk janë të hijshme.
Ai në emisionin “Ditari” në Tëvë 1 tha se veprime të tilla mund të nxisin reagime.
“Kjo nuk është e hijshme me u pa fillimisht, sepse kjo nxitë edhe kundër reagime nganjëherë. Nuk kemi nevoje ne me u tregu, apo për me marrë poena në procese për të cilat janë të rëndësisë vitale për këtë shtet. Pra, unë nuk e përshëndes këtë veprim, sepse nuk e vlerësojë se ministri duhet të merrej me një komunë apo një zyre diku, apo me heqje të një flamuri apo diçka, mirëpo këtu jemi në Ballkan dhe kuptohet se secili vrapon dhe ka dëshirë me pas kredit, por nuk e vlerësojë se kjo mund të shkojë në dobi të qëllimit të përgjithshëm, pra nxit reagime sepse po e politizon një proces…”, ka deklaruar ai.
Ai ka thënë se i vlerëson veprimet e Qeverisë Kurti dhe sipas tij, këto veprime është dashur që të merren më herët./teve1.info
Policia bastis institucione që punonin me sistem të Serbisë në Pejë, Istog e Klinë
