Avokati, Shkëlzen Sopjani ka kritikuar partitë opozitare për qasjen dhe strategjinë e tyre në zgjedhje, duke vlerësuar se ato nuk kanë bërë opozitë të mirëfilltë.
Sipas tij, opozita hyri në zgjedhjet e shkurtit në një “zonë komoditeti”, duke besuar se rënia e pushtetit do të vinte vetvetiu, pa një angazhim serioz dhe pa një strategji të qartë politike.
Sopjani thekson se ndonëse diaspora ka pasur ndikim të konsiderueshëm në përqindjen e rezultateve, ajo nuk ka qenë faktor përfaqësues vendimtar.
Problemi kryesor, sipas tij, ka qenë brenda vetë opozitës, e cila është përballur me përçarje dhe luftëra të brendshme mes eksponentëve të saj, duke e dobësuar edhe më tej performancën zgjedhore.
“Partitë opozitare qartazi nuk kanë bërë opozitë si duhet, qasjen e kanë të gabueshme dhe strategjinë. Diaspora ka ndikuar shumë në përqindjen e rezultateve, mirëpo nuk ka qenë një faktor përfaqësues sepse problem është që partitë opozitare kanë zgjedhjet e shkurtit që i shtien në një zonë komfore në njëfarë forme he menduan që filloj rënja, u ndijën komod që ju vjen diçka një fuqie madhore, mirëpo u pa qartë që eksponentë e vet nuk i dojshin disa prej tyre, kemi pasur lufta të brendshme të vet eksponentëve brenda partisë”, ka deklaruar Sopjani në emisionin “Ditari” në Tëvë1.
Në anën tjetër, ai ka theksuar se rezultatet tregojnë qartë se qytetarët vazhdojnë ta mbështesin Albin Kurtin si kryeministër.
Sipas tij, përqindja e fituar nga Lëvizja Vetëvendosje ka qenë befasuese edhe për vetë partinë, pasi pritjet kanë qenë rreth 40 për qind, por jo mbi 50 për qind.
“Ne po e shohim populli është ka e donë Albin Kuritn kryeministër, me këto rezultate unë them se edhe një mandate tjetër jo vetëm këtë e merr, përqindja e VV-së ka qenë befasuese nëse mundemi me thanë për vetë VV-në, s’besoj që ata e kanë pritur për me e kalua 50% edhe pse është pritur me kalua diku 40%, por jo 50%. Vetëvendosje nuk e ka problem tash me e konstituua Kuvendin dhe me themelua Qeverinë”, përfundoi Sopjani./teve1.info/
