Manifestimi “Epopeja e UÇK-së”, i cili nisi më 5 mars, do të përfundojë sonte me natën e zjarreve në Prekaz.
Me këtë rast edhe përfundon manifestimi gjithëpopullor në kujtim dhe nderim të Epopesë së lavdishme të Ushtrisë Çlirimtare të Kosovës dhe heroizmit të Komandantit Legjendar Adem Jashari, familjes Jashari, si dhe të gjithë të rënëve për lirinë dhe pavarësinë e Kosovës.
Derisa sonte nga ora 18:00, fillon ndezja e flakadanëve në Kompleksin Memorial “Adem Jashari”.
Pas ndezjes së flakadanëve, në ora 19:30 do të vazhdojë manifestimi “Nata e Zjarreve” me program kulturo-artistik në Sheshin “Adem Jashari” në Skenderaj.
Gjatë tri ditëve, më 5,6 dhe 7 mars janë shënuar aktivitete të shumta./teve1.info/.
