Barcelona është finalistja e parë e Superkupës së Spanjës
Katalonasit mposhtën Athletic Bilbaon në gjysmëfinale, ndërsa ndeshja e zhvilluar në Arabinë Saudite u mbyll me fitoren 2:0 të Barcelonës.
Gavi kaloi katalonasit në epërsi në minutën e 17-të të takimit.
Teksa për 2:0 u përkujdes Lamine Yamal që shënoi në minutën e 53-tën.
Kësisoj, në finale, Barcelona do ta presë fituesin e përballjes tjetër gjysmëfinale mes Mallorcas dhe Real Madridit.
Ndeshja mes Mallorcas me Real Madridit zhvillohet sonte, aty ku Vedat Muriqi me shokë do ta sfidojnë Real Madridin për të kaluar në finale të Superkupës e Spanjës.
Natyrisht, do të jetë një mision mjaft i vështirë për “Piratin” me shokë për ta kaluar pengesën e quajtur Real Madrid për ta synuar më pas finalen e madhe me Barcelonën, e cila e eliminoi mbrëmë Athletic Bilbaon.
“Los Blancos” shihen si favoritë sonte ndaj Mallorcës dhe gjithçka çon drejt një përpalljeje “El Clasico” në finale të Superkupës së Spanjës.
Ndeshja mes Real Madridit dhe Mallorcës do të luhet në stadiumin “King Abdullah Sports City” duke filluar nga ora 20:00.
