Kandidati i Lidhjes Demokratike të Kosovës për kryetar të Vushtrrisë pas balotazhit.
Ai ka thënë së në këtë komunë do të ketë sigurt balotazh, por që pas kësaj ai do të jetë fituesi.
Xhaferi duke folur për një sondazh të publikuar nga PDK-ja i cili atë e nxjerrë të tretin me 18 përqind kurse Ferid Idrizin të parin më 48 për qind, ka thënë se nuk do të merret me sondazhe, por me takime me qytetarë ku do të shpalos programin e tij dhe dështimet e qeverisjes.
“A ka prit dikush që PDK me bë sondazh e me qit veten keq. Nuk do të mbështetem në sondazhe. Jam i bindur se në Vushtrri do të ketë balotazh. Është një fakt. Shpëtimi, Kurtani e Feridi me fituar pa balotazh nuk ndodh në Vushtrri. Por, ne do të bëjmë fushatë të qetë, demokratike, ku do të shpalosim programin tonë por dhe dështimet e kësaj qeverisje. Jam i bindur që jo vetëm që do të jemi në balotazh, por do të jemi fitues të kësaj gare në Vushtrri”, ka thënë ai në emisionin “InfoNata” në Tëvë1.
Xhaferi ka thënë se brenda mandatit do të përfundojë të gjitha rrugët lokale në qytet, zhvillim urban të qytetit, ndërtimin e parqeve të vogla afër të gjitha ndërtesave kolektive, ndriçimin dhe hapësira publike.
