Anësori korean, Heung Min Son, do të bëhet me klub të ri.
Futbollisti koreano-jugor, i cili ka qenë një nga figurat kryesore të Tottenhamit gjatë viteve të fundit, ka vendosur t’i japë fund aventurës së tij në Angli.
Koreani ka arritur marrëveshje me klubin e MLS, Los Angeles FC ku do të jetë përforcimi i madh për skuadrën amerikane.
Te Los Angeles FC-ja, ai do të ribashkohet me bashkëlojtarin e tij që ishte te Tottenhami, Hugo Lloris.
Klubi amerikan, do të paguajë rreth 15 milionë për shërbimet e koreanit.
Ata e kuptojnë se ardhja e tij do të ishte një lëvizje e madhe, jo vetëm nga ana sportive, por edhe nga aspekti mediatik.
Son është i njohur globalisht, veçanërisht në Azi, dhe nënshkrimi i tij mund të tërheqë vëmendje të madhe dhe më shumë tifozë drejt klubit.
Son, iu kishte bashkuar Tottenhamit në vitin 2015 nga Bayer Leverkuseni, ku numëron 454 paraqitje si edhe kishte shënuar 173 gola dhe 101 asistime, ku gjatë këtyre viteve ishte bërë kapiten.
Ai ka arritur të fitonte vetëm një trofe me Tottenhamin, atë të Ligës së Evropës sezonin e kaluar.
