Kandidati për deputet nga LDK, Qëndrim Softolli beson se pas zgjedhjeve të 9 shkurtit do të jetë i nevojshëm një koalicion paszgjedhor.
Ai tha se LDK do të hynte në një koalicion paszgjedhor vetëm me Lumir Abdixhikun kryeministër.
“ Koalicionet paszgjedhore besoj që do të jenë të nevojshëm. LDK-ja do të hynte në një koalicion paszgjedhor vetëm me Lumir Abdixhikun kryeministër. Ky do të jetë kushti kyç. Zotimi ynë do të jetë se LDK-ja do të qeverisë me kandidatin e saj kryeministër, Lumir Abidxhiku”, ka thënë ai në emisionin “Ditari” në Tëvë1.
Tutje, ai tha se LDK-ja ka programin dhe kandidatin për kryeministër më të mirin.
“Kemi kandidatin më të mirë për kryeministër, një kandidat i dëshmuar që ka vizion dhe ka guximin. Kemi programin qeverisës që është një prej më të mirëve dhe është zgjidhja për krejt problemet që ka Kosova. E treta është edhe lista e kandidatëve për deputetë që është e dalluar dhe më e mira prej të gjithëve”.
