Ndryshe nga deputetët e tjerë, ajo e Partisë Demokratike të Kosovës, Ganimete Musliu erdhi fiks në ora 10:00 në sallë.
Edhe të premten për të trembëdhjetën herë, deputetët e të gjitha partive politike të vendit, nuk qenë në kohë në sallën plenare për të nisur seancën për Konstituimin e Kuvendit.
Me të shënuar ora 10:30, deputetët e zgjedhur nga populli hynë në sallë.
Grupit parlamentar të LVV-së i priu kryetari i saj, kryeministri në detyrë, Albin Kurti.
Me të zënë vendin e tij, Kurti diskutoi disa minuta me deputeten Mimoza Kusari Lila.
E tri partitë tjera, PDK, LDK e AAK po diskutonin me njëri-tjetrin ku shefja e grupit parlamentar të Lidhjes Demokratike të Kosovës, Hykmete Bajrami po u tregonte një letër.
Nuk shkoi shumë e seanca e së premtes nisi.
Kryesuesi i Kuvendit, Avni Dehari i cili vjen nga LVV-ja, përsëri kërkesën e subjektit të tij politik, formimin e komisionit ad-hoc që mundëson votimin e fshehtë për zgjedhjen e kryeparlamentarit.
Dehari thirri edhe këtë herë partitë të propozojnë komisionarët, por edhe kësaj radhe nuk mori përgjigje.
Deputetja e LDK-së doli në foltore, porse fjala i mbeti në gjysmë.
Megjithatë, propozimi i LVV-së për votim të fshehtë u hodh në votim.
Por, seanca dështoi pasi që për ishin vetëm 56 vota.
Andaj, tentativa e katërmbëdhjetë për konstituimin e Kuvendit, u thirre për të dielën me 11 maj në ora 10:00.
